«Бұйратау» мемлекеттік ұлттық табиғи парк

«Бұйратау» мемлекеттік ұлттық табиғи парк – 2011 жылдың 11 наурызында құрылған Қазақстан ұлттық паркі. Қазақстандағы он екінші ұлттық парк, ҚР АШМ орман және аңшылық шаруашылығы комитетімен «2011-2014 жылдарға Жасыл Даму» салалық бағдарламасын орындау мақсатында құрылған. Парк Ақмола облысының Ерейментау ауданында (солтүстік бөлігі- 60814 га) және Қарағанды облысының Осакаров ауданында (оңтүстік бөлігі- 28154 га) орналасқан. «Бұйратау» паркінің құрамына жергілікті аттас аймақтық табиғи парк, республикалық деңгейдегі Белодым мен Ерейментау мемлекеттік табиғи қорықшалар кірді. Флора. Флора құрамында 30 аса сирек және жойылып бара жатқан түрлер және қысқарып бара жатқан ареал: желімді қарарағаш, сібір скердасы, қырыққұлақ қалампыршөп, көктем жанаргүлі, ашылған сырқырау, сынғыш пузырник, дала сәлдегүлі, Геснер қызғалдағы, қарға көзі, эльб вудсиясы.

 

   

 Фауна. Ұлттық парктің фаунасында бес отряд және 15 тұқымдастарға жататын, 45 сүтқоректілер түрі бар, ол Қазақстанда 71 % және 39 % таксон (топтар) құрайды. Саябақ аумағының кіші тауларында басқа популяциялардан оңашалаңған солтүстіктік Ерейментау архары тұрады, олардың саны 200.